مساعدتنا في نشر الفكرة
لو مش عاجباك الفكره: ابدأ بنفسك وماتحطمناش
انشر الفكرة في أوساط الشباب اللي عاوز يعيش في البلد وعاوز يحسنها
انشر الفكره في اوساط الكبار لكي يدعموا الشباب
المطلوب: فيديوهات تعليميه وتثقيفية. الفيديو يفضل يكون قصير. 1-5 دقائق.
ممكن فيديو بممثلين وممكن شخصيات كارتون. اللي تعرف تعمله.
الرقابة داخلية. برحاء عدم وضع صور او مواضيع او مشاهد غير مألوفة او متقبله من المجتمع المصري. احنا هدفنا نعلم ونور الناس في امور الحياة اليومية. الهدف ده عاوز 20 سنه لوحده. مش عاوزين - ولا احنا قد- تشتيت المجهود او خلق اعداء.
مش عوزين نتكلم او نجيب سيره اي حد بيلبس زي موحد او يونيفورم. خلونا في المجتمع وتنويره عن الحياة اليومية. مش عاوزين نعادي السلطة من دولة او دين.
المطلوب منكم؟
مالناش في السياسة
حتعيش في مجتمع افضل. ماشي ،يمكن مش النهارده. يمكن مش بكرة. لكن لازم نبدأ. لازم نحاول.
حاتحس انك ساهمت في تنوير وتعليم وتحسين المجتمع.
القصة دي كلها مافيهاش فلوس. ولا حد حيدفع ولا حد حياخد فلوس. كل الفايده معنوية.
احنا لا حنتكلم في السياسة ولا عاوزين نتدخل في اي حاجة منظمة. احنا فقط ناس عايزة تعيش في مجتمع افضل.
مالناش دعوة بأي جهة يلبس منتسيبيها (الناس بتوعها) اي زي موحد (يونيفورم) يدل عليهم. وياريت الجهات دي كمان تسيبنا فحالنا وماتعوزش مننا حاجة
حتستفيد ايه؟
الفكرة باختصار
الفكرة بسيطة وممكن تكون فيه حاجات شبه كده. احنا عاوزين نكون الصفحه اللي حاتجمع كل الناس اللي عاوزه تعيش في مجتمع احسن. وعاوزه تساعد المجتمع انه يتحسن من خلال التعليم والتنوير والارتقاء بالشعب بدل الشتيمة واتهامه بالجهل.
تساعد ازاي؟ احنا في المرحله قبل الاولى. احنا في مرحلة الفكرة. المطلوب نشر الفكرة فقط ضمن الناس اللي انت عارف انها حتتحمس للفكره والاهم حتساهم بإرسال محتوي يمكن استخدامه على الإنترنت.
احنا عاززين شباب يكتب السيناريو ويمثل ويخرج الفيديوهات. سجلوها بالموبايل وبتكلفه ضئيلة او بدون تكلفة. المهم الفيديو يبين الغلط فين. يبين للناس ازاي ده ممكن يضرهم. وايه الصح. عيش..... فكر .... نفذ...
المرحله قبل الاولى
الهدف الوحيد لهذه الصفحه هو التعليم. التنوير. الانفتاح الفكري
نرتقي بالمجتمع واحد واحد، فرد فرد، علشان نعرف نعيش كويس
ده هدفنا....مستحيل؟
احنا شايفين انه ممكن. الحقيقة، احنا شايفين انه الطريق الوحيد الممكن علشان نعرف كلنا نعيش مع بعض
من اهم واجبات الفئة المتعلمة و'المتنوره' تجاه المجتمع الذي تعيش فيه هو تعليم وتنوير باقي المجتمع والارتقاء بالفكر والذوق العام لكي تصبح البلد قابله للمعيشه.كفانا شكاوي وانتقاد
Email Us:
اي مكان وكل مكان في مصر
